ሶማሊያ

ኣብ ሶማሊያ ኣብ መንጎ ወተሃደራት ናይ መሰጋገሪ መንግሥቲ ሶማልያን እስላማዊ ዓመጽያን ኃይልን ከባቢታት ንምቁጽጻር ከቢድ ውግእ የካይዱ ከምዘለዉ ተሓቢሩ። ናብ ትማሊ ዘውግሕ ለይቲ ኣብ ከባቢ ርእሰ ከተማ ሶማሊያ ኣብ ዝተኻየደ ውግእ ልዕሊ 40 ሰባት ከምእተቐትሉን በማኢት ዝቝጸሩ ናይ መቑሰልቲ ሓደጋ ከምዝወረዶም ተገሊጹ።

ኣብ ሶማሊያን ጁቡቲን ናይ ቅድስቲ መንበር ሓዋርያዊ ወኪል ብጹዕ ኣቡነ ጆርጆ በርቲኒ ኣብ ሶማሊያ ተኸሲቱ ዘሎ ቅልውላውን እቲ ንዓመታት ተፈጢሩ ዘሎ ቀጥዒ ኣልቦነት ማሕበራውን ፖሊቲካውን ኤኮኖሚያውን ጉዳይ ንምግታእን ሕዝቢ ካብቲ በቐጻሊ ዘጋጥሞ ዘሎ ሽግር ንኽላቐቕ ንጉዳይ ሶማልያ ዓቢይ ትኵረት ክግበረሉ ይግባእ፣ ኣብዚ እዋን’ዚ መንግሥታት ዓለም ናይ ሃገራት ሕብረትን ኣብ ናይ ሶማልያ ጉዳይ ከተኵራን ነቲ ናይ ሶማሊያ መሰጋገሪ መንግሥቲ ኣብ ምድጋፍ ይተግሃ ከምዘለዋን እዚ ድማ ንናይ ሶማሊያ ሰላም መሠረት ኢዩ ኢሎም።