Sulm ajror në Pakistan kundër talebanëve 12 të vrarë.
(21.8.2009 RV)Në Pakistan 12 viktima ndërmjet të cilave gra dhe fëmijë. Ky është bilanci
i sulmit me raketa të lëshuara nga një aeroplan amerikan pa pilot në veriperëndim
të Pakistanit, afër kufirit me Afganistanin. Lajmet e televizionit lokal flasin për
një aeroplan që goditi pesë shtëpi, baza të talebanëve. Si përgjigje talebanët sulmuan
disa postblloqe të policisë por pa viktima. Ndërkaq u bë e ditur se u lirua turisti
francez që ishte marrë peng në maj, në jug të Pakistanit.E pikërisht sot,
Gazeta Nju Jork Tajms njoftoi se CIA i ka besuar shoqërisë private të sigurisë “Blekuotër”
zbatimin e programit më të rëndësishëm antiterrorist: atë të sulmeve me avionë pa
pilotë kundër udhëheqësve të Al Kaedës në Pakistan dhe Afganistan. Tashmë “Blekuoter”,
e cila është akuzuar për vrasjen e 17 civilëve në Bagdad në 2007, ka që në vitin 2004
që punon për llogari të CIA..