Nga 28 deri më 30 gusht në Kastel Gandolfo, takimi tradicional i ish-studentëve të
Benediktit XVI.
(20.08.2009 RV)Do të zhvillohet nga 28 deri më 30 gusht, në Qendrën Mariapoli
të Kastel Gandolfos, takimi i ish-studentëve të Benediktit XVI, që njihet me emrin
Schülerkreis: në qendër të vëmendjes, në seminarin veror, do të jetë tema e misionit,
parë në perspektivë ekumenike. Papa do të kryesojë Meshën përfundimtare të 31 gushtit. Është
një takim tashmë tradicional ky i Jozef Racinger dhe ish-nxënësve të tij, që filloi
në vitet ’70, gjatë kohës kur ishte profesor në Universitetin e Regensburgut. Kur
Pali VI, më 1977, e emëroi teologun Racinger kryeipeshkëv të Munih-Freising, studentët
e tij menduan se takimi i përvitshëm nuk do të mbahej më. Por takimi vijoi. E edhe
kur profesori Racinger u zgjodh në fronin e papnisë, u mendua se këto takime nuk do
të mund të organizoheshin më. Po Benedikti XVI i thirri përsëri ish-nxënësit e tij. Në
takimet e viteve të kaluara është folur për lidhjen ndërmjet Ungjillit e Jezusit historik,
parë edhe nën dritën e librit të Papës “Jezusi i Nazarenit”, për islamin, evolucionizmin,
fenë e Biblën.