Thirrje për shpresë e ftesë për mision: mandati i Plenares IX të ipeshkvijve në Azi.

(17.08.2009 RV)“Ftesë për dëgjimin e fjalës së Zotit, thirrje për të thelluar fenë e shpresën, nxitje për mision”. Me këto fjalë mund të përmblidhet mesazhi përfundimtar i mbledhjes IX plenare të Federatës së Konferencave Ipeshkvnore të Azisë (Fabc), që përfundoi dje në Manila të Filipineve, me një kremtim eukaristik, kryesuar nga i dërguari i Benediktit XVI, kardinali Frensis Arinze. Në ceremoninë përfundimtare, organizuar pranë Qendrës Piu XII të Manilës, jezuiti Katalino Arevalo u vlerësua me titullin ‘Atë i teologjisë aziatike”, për veprimtarinë e tij të shquar në këtë fushë.
“Si ta jetojmë misterin eukaristik” ishte tema që përshkoi të gjitha reflektimet e, prej këndej, edhe dokumentin përfundimtar.