Iran: Pasdaranët kërkojnë proces për Khatamin, Musavin e Karrubin
(10.08.2009 RV)Thellohet më tej kriza politike iraniane, pasi autoritetet e
Teheranit pranuan se kanë torturuar disa nga kundërshtarët e burgosur pas zgjedhjeve
të 12 qershorit. Por kreu i zyrës politike të Pasdaranit, siç quhet milicia islamike,
shyllë kryesore mbi të cilën mbështetet presidenti Mahmod Ahmadinexhad, ultrakonservatori
Jadullah Javani, kërkoi të hapet proces gjyqësor kundër tre krerëve të opozitës: ish-presidentit
Mohamad Khatami dhe dy kandidatëve reformistë të mundur në zgjedhje, Musavi e Karrubi.