Рым. У папскім універсітэце "Урбаніянум" пачаўся запіс на курс сацыяльных камунікацый
(журналістыкі) на базе вышэйшай адукацыі.
Прыгадаем, што гэты ўніверсітэт закончылі за 15 гадоў па асноўным курсе і паслядыпломных
(удасканальваючых) дзясяткі беларускіх хлопцаў і дзяўчат, манахаў і свецкіх. Цяперашні
набор чакае маладых людзей, гатовых працаваць у рэлігійным асяроддзі, на місіях, адкрытых
да разнастайных культурных і сацыяльных кантэкстаў. Майстар-класы разлічаны на 12-13
месяцаў, пачнуцца з кастрычніка і завершацца восенню 2010 году. Спецыялізавацца слухачы
змогуць па друку і інстытуцыйных камунікацыях, на карэспандэнта агенства ці перыядычнага
выдання, аўдыя- відэажурналістыцы, на аператара і аўтара радыё- тэлебачання, мультымедыйных
камунікацыях, інтэрнет-аператара. Прадугледжаны 100 гадзін практыкі ў СМІ Ватыкана
і Італіі.