Papa Benedikti XVI çon telegram për vdekjen e Korazon Akuinos
(01.08.2009 RV)Filipinet në zi për vdekjes e Korazon Akuinos, ish-presidente
e vendit, e cila mbylli sytë në një spital të Manilës, pas një beteje të gjatë kundër
sëmundjes së kancerit. Akuiono, që filipinasit e quanin me përzemërsi “Kori”, pati
sjellë demokracinë në vitin 1986, duke udhëhequr protestat që rrëzuan nga pushteti
diktatorin Ferdinand Markos. Familja lajmëroi se ish-presidentja vdiq në orën 3:18
të natës. Vendi do të mbajë 10 ditë zi. Edhe Papa Benedikti XVI, në telegramin
e ngushëllimit, që mban firmën e sekretarit të shtetit të Vatikanit, kardinal Tarçizio
Bertone shpreh dhimbjen e tij të thellë për këtë humbje të madhe për popullin e Filipineve.
Ai kujton guximin dhe impenjimin e saj për të çliruar filipinët nga diktatura, mohimin
e vendosur të dhunës dhe intolerancës dhe kontributin për të ndërtuar një rend politik
të drejtë për atdheun e vet. Papa e kujton Korazon Akuinon si grua me fe të thellë
e të madhe, prandaj lutet që ajo të gjejë vërtet pushimin e pasosur në të cilin besonte.
Telegrami, që i drejtohet kryeipeshkvit të Manilës, kardinal Gaudencio Rozales, përfundon
me bekimin e Atit të Shenjtë për të gjithë ata që morën pjesë në funeralin e krishterë
dhe e ngushëllimet për familjen e autoritetet.