2009-07-31 15:23:56

Պենետիկտոս ԺԶ Քահանայապետին Վիթերպօ այցելութեան յայտագիրը։


Պենետիկտոս ԺԶ Քահանայապետին Վիթերպօ այցելութեան յայտագիրը։



յառաջիկայ սեպտեմբեր 6ին ,Պենետիկտոս ԺԶ Քահանայապետը հովուական այցելութիւն կը կատարէ Վիթերպօ։

Սրբազան Հայրը Գասթել Կոնտոլֆօ քահանայապետական ամառանոցէն ինքնաթիռով Վիթերպօ կ'ուղղուի։ Ժամը 9-ին կը հասնի քաղաքապետարանի մարզադաշտը ուր կ'ընդունուի տեղւոյն քաղաքացիական ու եկեղեցական իշխանութիւններէն։

Բարի գալուստի արարողութենէն ետք, Սրբազան Հայրը կ'ուղղուի դէպի քաղաքի աթոռանիստ եկեղեցին ուր կ'օրհնէ եկեղեցւոյ նոր դուռը եւ տեսակցութիւն կ'ունենայ տեղւոյն իշխանութիւններու հետ։ Թեմի առաջնորդ գերապայծառ Լորենցօ Քիարինելլիի բարի գալուստի խօսքէն ետք Սրբազան Քահանայապետը կը հանդիսապետէ համապատարագը եւ որուն աւարտին կ'արտասանէ Հրեշտակ Տեառն մարեմեան աղօթքը։

Յետմիջօրէին, Նորին Սրբութիւնը հանդիպում կ'ունենայ կղերական դասին հետ։ Ապա ինքնաթիռով կ'ուղղուի դէպի Պանիորեճօ վայրը, ուր պահուած է սուրբ Պոնավենդուրայի մասունքները։ Նորին Սրբութիւնը հանդիպում կ'ունենայ եկեղեցական ու քաղաքական իշխանութիւններու հետ եւ ապա ճառ մը կ'ուղղէ տեղւոյն հաւատացեալներու։ Հուսկ երեկոյեան ժամը 18,30ին ետ դարձ կը կատարէ դէպի Գասթել Կոնտոլֆօ քահանայապետական ամառանոցը։








All the contents on this site are copyrighted ©.