Vatikani konfirmon: do të realizohet një kompakt-disk me zërin e Benediktit XV
Zëri i Benediktit
XVI do të regjistrohet për herë të parë në një cd, shoqëruar me këngë, lutje e muzikë,
e do të shpërndahet në mbarë botën për Krishtlindjen e ardhshme. Lajmi, njoftuar
në Londër nga Shtëpia prodhuese Diskografike Geffen UK/Universal, konfirmohet nga
zëdhënësi i Vatikanit, atë Federiko Lombardi, i cili saktëson se është fjala për regjistrime
të vëna në dispozicion nga arkivat e Radio Vatikanit e se Papa nuk ka pasur asnjë
lidhje të drejtpërdrejtë me shtëpinë prodhuese angleze. “Nisma – shpjegon Atë
Lombardi - lindi nga SanPaolo multimedia, e cila i kërkoi Radio Vatikanit disa regjistrime
me zërin e Atit të Shenjtë, për të realizuar me to një cd. Radio Vatikani, pas
bisedës me Sekretarinë e Shtetit të Shenjtërisë së Tij, vuri në dispozicion të paolinëve,
tetë fragmente nga fjalimet dhe lutjet e Papës në gjuhë të ndryshme, gjithsejt më
pak se dhjetë minuta regjistrim, shoqëruar, më pas, me pjesë muzikore. Një regjistrim
i tillë është bërë edhe me zërin e Gjon Palit II, nën titullin ‘Abba pater”.