U paraqit stema e Ditës Botërore të Rinisë, Madrid 2011
Kryeipeshkvia e
Madridit paraqiti dje për shtypin stemën e Ditës Botërore të Rinisë, që do të mbahet
në kryeqytetin e Spanjës në vitin 2011. Stema është miratuar tashmë nga Këshilli Papnor
për Laikët. Të dëgjojmë drejtorin e Komunikimeve për Ditën Botërore të Rinisë, Santiago
de la Sierva: Stema paraqet një kurorë, ku duket qartë një kryq dhe të rinj
që mblidhen në këmbët e tij, duke formuar një kurorë që është ajo e Zojës së Almudenës,
Pajtores së Madridit. Simboli është pikturuar me të kuq, të verdhë dhe portokallì
e do të jetë shenja grafike e të gjitha ngjarjeve të Ditës Botërore të Rinisë. Koordinatori
i përgjithshëm i Ditës Botërore të Rinisë 2011, imzot Sézar Augusto Franko Martines,
ipeshkëv ndihmës i Madridit, qe ai që e paraqiti stemën para gazetarëve. A informoi
për ndonjë gjë tjetër? Pati mundësinë të informojë të pranishmit mbi të rejat
e organizimit, si për shembull, si e kanë pritur ngjarjen autoritetet publike, Shtëpia
mbretërore spanjolle, qeveria e Spanjës, bashkësia e Madridit e edhe bashkia e Madridit.
Të gjithë kanë siguruar ndihmën dhe mbështetjen e tyre, që kjo ngjarje të përfshijë
sa më shumë të rinj nga e gjithë bota. Komiteti po punon për përgatitjen e preventivit
dhe të listës së ndërmarrjeve dhe personave, të gatshëm të sponsorizojnë ngjarjen,
në mënyrë që Dita Botërore e Rinisë të jetë me të vërtetë “botërore” e të mund të
vijnë edhe të rinjtë e vendeve, që kanë pak mundësi ekonomike.