Nigeri: 600 të vdekur në ndeshjet ndërmjet ushtrisë dhe ekstremistëve islamikë
(30.07.2009 RV)Ushtria nigeriane fiton pozicione në Shtetin e Bornos, ku që
nga e diela vazhdojnë ndeshjet ndërmjet forcave qeveritare dhe milicive islamike.
Sipas vlerësimeve të fundit, ato i kanë kushtuar jetën rreth 600 personave. Sot paradite
u ndalën luftimet në qytetin e Majdugurit, pas marrjes së kështjellës së rebelëve
nga trupat e rregullta. Militantët e sektit radikal Boko Haram deklarojnë se ata luftojnë
për vendosjen e ligjit islamik të sharisë dhe kundër modelit të kulturës perëndimore.