Бэнэдыкт 16 адведае італьянскі горад Турын з нагоды выстаўленьня для вернікаў "Турынскае
Плашчаніцы (цалуна)"
Канікулы Папы паволі дабягаюць да канца. Сьвяцейшы Айцец падрыхтоўваецца да павароту
ў Касэльгандольфо пад Рымам ды плануе чарговыя паломніцтвы. Папа пацьвердзіў жаданьне
адведаць Турын з нагоды выстаўленьня для публікі ў тамашняй Каталіцкай Катэдры “Турынскае
Плашчаніцы.”. Папа ў Ле Комб адпачывае ды многа чытае. Як сказаў Ваытканскі Прэсавы
Прадстаўнік айцец Фэдэрыко Лёмбардзі, Бэнэдыкт 16, міма траўмы рукі, сапраўды добра
адпачыў. Можна было гэта заўважыць, напрыклад, у часе адгаварэньня Багародзічнае
Малітвы “Анёл Гасподні” ў нядзелю 26-га ліпеня. “Бачыць Сьвяцейшага Айца са штыўнаю
рукою, які міма гэтага з вялікаю радасьцю блаславіць ёю вернікаў, ёсьць чымасьці,
што падбадзёрвае, выклікае яшчэ больш да яго сімпатыі, якоюсьці чалавечаю блізкасьцю.”.-
сказаў айцец Лёмбардзі. Далей ён паінфармаваў, што Бэнэдыкт 16 прыймае таксама гасьцей.
Сустрэўся з кардыналам Полетті з Турыну, які заняты цяпер падрыхтоўкамі да выстаўленьня
для пакланеньня вернікам, “Турынскае Плашчаніцы”, што адбудзецца вясною наступнага
году. “Гэта вялікае касьцельнае здарэньне, на якім засяроджваецца цяпер уся ўвага
турынскае дыяцэзыі”-. падкрэсьліў ватыканскі прэсавы прадстаўнік. Кардынал Полетті
паінфармаваў Папу аб стане падрыхтовак і чарговы раз запрасіў яго да наведаньня Турыну.
“Бэнэдыкт 16 пацьвердзіў сваё жаданьне прыбыць у Турын у часе выстаўленьня Плашчаніцы.
Дату візыту трэба яшчэ дакладна ўстанавіць”- дадаў дырэктар Прэсавага Бюро Апостальскай
Сталіцы. Серада 29-га ліпеня, значыць, апошні дзень канікулаў будзе для Папы вельмі
поўным працы. Раніцай сустрэнецца з прадстаўнікамі службаў, якія зрабілі магчымым
спакойны адпачынак Сьвяцейшаму Айцу. Пасьля абеду Папа разьвітаецца з мясцовымі ўладамі.
З Ле Комб да хаты Бэнэдыкт 16 выляціць на верталёце: спачатку ў Турын, а адтуль
на самалёце на рымскае лётнішча Чампіно. Сьвяцейшы Айцец павячэрае ўжо заўтра ў сваёй
летняй рэзідэнцыі Кастэльгандольфо.