Белавежская Пушча ўвайшла ў рэзэрвовы спіс плебісцыту "Сямі Цудаў Сьвету"
Экспэрты фундацыі „New 7 Wonders”, якая арганізавала конкурс на сем новых
цудаў прыроды, абвесьцілі сьпіс фіналістаў. У групе 28 цудаў апынуліся таксама Вялікія
мазурскія азёры. У конкурсе, які абвесьціла швайцарская фундацыя „New
7 Wonders”, пад увагу бралася 261 кандыдатура, пададзеная 222 краінамі сьвету. Пасьля
першага этапу галасаваньня інтэрнаўты выбралі 77 месцаў - кандыдатаў да тытулу новых
цудаў натуры. 21-га ліпеня чора экспэрты фундацыі выбралі 28 фіналістаў,
зь якіх цягам 2 бліжэйшых гадох карыстальнікі інтэрнэтам могуць выбраць 7 цудаў прыроды.
Як паведаміла прэс-сакратар фундацыі „New 7 Wonders” Ція Вірынг, Белавеская пушча
– другі польскі кандыдат да тутылу - увайшла ў рэзэрвовы сьпіс плебісцыту.
Ція Вірынг сказала: Белавеская пушча апынулася ў рэзэрвовын сьпісе побач з такімі
цудамі прыроды як, напрыклад, пячоры ў гарах Ардэнах у Бэльгіі, нацыянальны парк Рэтэзат
у Румыніі ці возера Ціцікака на балівійска-пэруанскім памежжы. Польшча можа ганарыцца
тым, што Вялікія мазурскія азёры апынуліся ў групе 28 фіналістаў. Нагадаю, што рэзэрвовы
спісь быў створаны на выпадак, калі б адзін зь фіналістаў быў выцесьнены зь фінальнай
групы. У гэткім выпадку свабоднае месца будзе папоўненае адным зь першых
сямі кандыдатаў з рэзэрвовага спісу. Паводле арганізатараў плебісцыту, да
гэтай пары прагаласавала больш за 100 мільёнаў інтэрнаўтаў.