Klinton fton në samitin e Puketit për spastrim të plotë nga armët atomike, Pheniani
refuzon dialogun.
(23.7.2009 RV)Koreja Veriore refuzon bisedimet.Koreja Veriore ka njoftuar se
kundërshton çdo zgjidhje gjithëpërfshirëse në lidhje me programin e saj bërthamor
dhe refuzon të kthehet në bisedimet, derisa Shtetet e Bashkuara të mos heqin dorë
nga qëndrimi armiqësor kundrejt Phenianit. Kështu ka deklaruar drejtori i përgjithshëm
i departamentit të organizimeve ndërkombëtare pranë ministrisë së Jashtme të Koresë
Veriore, Ri Hong-sik, gjatë një konference shtypi në Forumin Rajonal të Asociacionit
të Shteteve Juglindore të Azisë (ASEAN), i cili po mbahet në Puket të Tajlandës. Ri
i mbylli derën çdo lloj oferte dialogu bërë nga sekretarja e Shtetit amerikan, Hilari
Klinton, duke saktësuar se nuk ka asnjë të re e propozimet janë të pamjaftueshme për
t’u kthye në tryezën e bisedimeve. Ditë më parë, sekretarja amerikane e Shtetit, Hilari
Klinton, tha se administrata e presidentit Obama është e shqetësuar në lidhje me mundësinë
e zhvillimit të lidhjeve ushtarake në mes të Koresë Veriore dhe Mianmarit.