(22.7.2009 RV)Në Irak një grup njerëzish të armatosur kanë sulmuar një autobus
që transportonte shtegtarë myslimanë të ardhur nga Irani për në provincën irakiane
të Dijalës, duke vrarë pesë udhëtarë e plagosur 32 të tjerë. Shtegtarët iranianë po
shkonin për të vizituar vendet e shenjta për shiitët, në zonën e Bakubës, në veri-lindje
të Bagdadit. Disa prej të plagosurve janë në gjendje të rëndë. Sipas ekspertëve, pas
këtij atentati është dora e al-Kaedes.