Побач матарыяльнага ўбоства таксама духоўная галеча можа заламаць многіх людзей.
Указаў на гэта Дзяржсакратар Ватыкану ў часе раняшняе Сьвятое Імшы адслужанай 19-га
ліпеня ў сваім родным горадзе Романо Канавэзэ. Кардынал Тарчысіё Бэртонэ адправіў
яе перад Касьцёлам, у якім у 1934-м годзе быў ахрышчаны. У казаньні гаварыў, між
іншым, аб значэньні Году Сьвятарства ды аб новай Энцыкліцы Папы. “Існуе тут вялікая
патрэба сьвятароў. Трэба нам новых і сьвятых сьвятароў”- гаварыў кардынал Бэртонэ.
Заахвоціў да малітвы, каб сем”і зразумелі, што найбольшым для іх дарам ёсьць сын-сьвятар.
“Мы поўнасьцю разумеем тое, што ў сёньняшнім сьвеце існуе вялікая матарыяльная бяда,
якая і надалей паглыбляецца. Існуе адначасна вялікая духоўная галеча, якая пагражае
існаваньню многіх людзей. Энцыкліка Папы “Caritas in veritate” дазваляе нам зразумець,
што на жаль, крыніцаю чалавечае беднасьці ёсьць эгаізм, укаранёны ў сэрцы чалавека.
Каб яго пераадолець, неабходным ёсьць наверненьне”!- сказаў кардынал Бэртонэ.