Më 19 korrik, Kisha përkujton Shën Makrinën e re, murgeshë
(19.7.2009 RV)Makrina qe e parëlindura e dhjetë fëmijëve të Bazilit e Emanuelias,
familje që jetoi në Ponto të Greqisë e familje e bekuar nga Zoti, sepse ndër bijtë
e kësaj familje përveç Shën Makrinës, edhe Shën Bazilin e Madh, ipeshkëv i Cezaresë,
Shën Gregorin ipeshkëv i Nisës e Pjetrin meshtar e murg. Shenjta njihet me emrin Shën
Makrina “e re”, për t’u dalluar nga e gjyshja, që kishte të njëjtin emër e që qe ndjekëse
e Shën Gregorit mrekullibërës. Gjyshi i saj nga ana e nënës qe martirizuar në epokën
e Dioklecianit. Makrina sikur përmendem, qe motra e Bazilit të Madh, Gregorit të
Nisës dhe Pjetrit të Sebastes. Në vitin 380 i vëllai, Gregori i Nisës, duke u kthyer
nga Koncili i Antiokisë, e gjeti në shtratin e vdekjes e pati me të një bisedë të
paharrueshme që u pavdekësua në faqet e dialogut “Mbi shpirtin dhe ringjalljen”. Vetë
Gregori, duke i shkruar një letër vetmitarit Olimp mbi doktrinën asketike e shpirtërore,
tregon jetën e Shën Makrinës si shembull të një jete kushtuar krejtësisht Zotit.