Honduras:Miçeleti i gatshëm për dorëheqje, nëse nuk kthehet Zelaja
(16.7.2009 RV)Presidenti i përkohshëm hondurian Roberto Miçeleti ka ofruar
dorëheqjen e tij më kushte të caktuara. Parakusht është që paraardhësi i tij i hequr,
Manuel Zelaja, të mos kthehet në pushtet, tha Miçeleti në Tegucigalpa gjatë betimit
të ministrit të ri të Drejtësisë, Oskar Matute. Një delegacion hondurian ia ka përcjellë
ofertën e tij të dorëheqjes Organizatës së Shteteve Amerikane në Uashington, ths ai.
Zelaja u rrëzua nga posti i Presidentit nga forcat e armatosura gjatë grindjes për
ndryshimin e kushtetutës së Vendit në fund të qershorit. Bisedat për shuarjen e konfliktit
në Honduras nën ndërmjetësimin e presidentit kostarikan Oskar Arias do të vazhdojnë
të shtunën.