Kardinali Rodriguez Maradiaga: paqë për Hondurasin nëpërmjet dialogut.
(14.07.2009 RV)Hondurasi po vonon të kthehet në normalitet pas krizës institucionale
që u krijua me rrëzimin nga pushteti të presidentit Manuel Zelaja, me 28 qershor.
Sot edhe Sekretari i Përgjithshëm i OKB-së Ban Ki Mun i ofroi ndihmë teknike presidentit
të Kosta Rikës Oskar Arias, çmim Nobel për paqën, i cili po ndërmjetëson, me miratimin
e OKB-së, për krizën e krijuar . Në vend tensioni mbetet i lartë. Të dielën e kaluar
katedralja e kryeqytetit Teguçigalpa u sulmua për të tretën herë kurse në tri kisha
të tjera nuk qe e mundur të kremtohej Mesha. Edhe Benedikti XVI gjatë Lutjes së Engjëllit
të Tenzot të dielen, tha se po ndjek me vëmendje të veçantë zhvillimet në Honduras.
E pikërisht mbi fjalët e Papës në mikrofonin tonë të ndjekim reflektimin e kryeipeshkvit
të Teguçigalpës kardinalit Oskar Andres Rodriguez Maradiaga:
"Ndjemë një
gëzim të madh. Ati i Shenjtë na dha shumë forcë me ato fjalë plot urti. Sigurisht
bashkësia katolike e falenderon dhe është shumë e kënaqur. Ndër ndjekësit e regjimit
të kaluar ka edhe shumë katolikë që veprojnë me ndërgjegje sepse nuk janë të mirëinformuar.
Por Kisha nuk mund të rreshtohet nga asnjëra palë. Kisha kërkon pajtimin, paqën dhe
mbi të gjitha kërkon mirëkuptimin nëpërmjet dialogut".