Багародзічная малітва "Анёл Гасподні" ў нядзелю 12-га ліпеня
А паўдні гэтага дня Папа Бэнэдыкт 16 сустрэўся з вернікамі на Плошчы Сьвятога
Пятра, каб адгаварыць разам з імі гэтую марыйную малітву. У сваім слове да іх, перад
ейным адгаварэньнем, Сьвяцейшы Айцец спаслаўся да закончанай толькі што Сустрэчы
на Вярхах у Аквілі, Італія. Прысутныя на ёй кіраўнікі дзяржаваў і ўрадаў былі згоднымі
адносна патрэбы выпрацаваньня пагадненьняў, якія запэўнілі б чалавецтву лепшую будучыню. Папа
прызнаў, што Касьцёл не мае тэхнічных развязак, якія мог-бы запрапанаваць. Аднак
дасьведчаны ў тым, што чалавечае, абвяшчае біблійную навуку аб праўдзе чалавека, з
эвангэльскім пасланьнем любові і справядлівасьці. Трэба новае эканамічнае
праграмы, якая надала б новую форму разьвіцьцю ў глабальны спосаб, прытрымліваючыся
этычнага фундаманту адказнасьці перад Богам і перад чалавекам як Божым стварэньнем.
Спасылаючыся да сваёй новай Энцыклікі “Caritas in veritate”, Бэнэдыкт 16 падкрэсьліў,
што “ў грамадзтве, якое знаходзіцца на дарозе да глабалізацыі, супольнае дабро і заангажаваньне
ў яго карысьць мусяць прыняць памер усёй чалавечай сям”і. Папа прыпомніў, што сацыяльныя
пытаньні ўзьняў, ідучы нейкім чынам слядамі энцыклікі “Populorum progressio” Папы
Паўла 6-га. У сёньняшніх часах “сацыяльнае пытаньне сталася радыкальным антрапалагічным
пытаньнем у тым сэнсе, што дапускае яно не толькі спосаб пачацьця, але таксама маніпуляваньня
жыцьцём, якое біятэхналогіі аддаюць што-раз часьцей ў рукі чалавека”. “Развязкі
актуальных праблемаў не могуць быць толькі чыста тэхнічнай натуры. Мусяць браць пад
увагу цэласнасьць патрэбаў асобы, што мае душу і цела- сказаў Бэнэдыкт 16. Затым
зьвярнуў увагу, што “абсалютызм тэхнікі” мог-бы сапраўды крэсьліць чорныя сцэнарыі
будучай гісторыі чалавецтва, таму што свой найвышэйшы выраз знаходзіць ён у пэўных
практыках супраціўных жыцьцю. Акты, якія не маюць у пашане сапраўднай годнасьці чалавека,
нават калі здаюцца ісьці за “выбарам любові”, ў сапраўднасьці становяць плод “матарыялістычнай
і мэханістычнай канцэпцыі чалавечага жыцьця. Папа на канец падкрэсьліў, што міма
так складзенай рэчаіснасьці Касьцёл глядзіць у будучыню з надзеяю. Сваім вернікам
прыпомніў, што “абвяшчаньне Хрыста ёсьць першым і галоўным фактарам разьвіцьця” Пасьля
адгаварэньня малітвы “Анёл Гасподні” Папа спаслаўся да цяжкае сітуацыі ў Гандурасе.
Папрасіў малітваў, каб адказныя за гэтую краіну і яе жыхары цярпліва ішлі дарогаю
дыялогу, ўзаемнага зразуменьня і прымірэньня. У панядзелак 13-га ліпеня Папа пакінуў
Ватыкан і выехаў на летнія канікулы ў Ле Комб ў Даліне Аосты, што ляжыць ў Італіі.
Развітваючыся з вернікамі ў нядзелю 12-га ліпеня Бэнэдыкт 16 папрасіў іхніх малітваў
у сваім намеры, таму што яна ня ведае адлегласьцяў і ,- як падкрэсьліў,- “дзе небудзь
мы не былі, яна робіць з нас адно сэрца і адзіную душу”. За тое шафёрам у часе
канікулаў Сьвяцейшы Айцец прыпомніў абавязак разважлівай язды і перасьцераганьня дарожных
указальнікаў.