Honduras:kard.Maradiaga: “Dialogu udha e drejtë për të dalur nga kriza politike”.
(13.7.09 RV)Në Honduras vazhdon lufta për pushtet. Presidenti i përkohshëm,
Roberto Miçeleti, përjashtoi edhe një herë në mënyrë kategorike rikthimin në post
të kryetarit të rrëzuar të shtetit, Manuel Zelaja. Nëse Zelaja rikthehet në atdhe
dhe i dorëzohet drejtësisë, atëherë mund të flitet për amnisti, tha Miçeleti. Edhe
kardinali Maradiaga, kryeipeshkëv i Teguçigalpas ka ndërhyrë mbi grusht Shtetin në
Vend: “ për të dal nga kriza politike në Honduras, rruga më e drejtë është dialogu,
e nuk besoj se Presidenti Zelaja mund të kthehet”. Gjatë ditëve të kaluara presidenti
i Kosta Rikës, Oskar Arias, u përpoq pa sukses për zgjidhjen e konfliktit për pushtet
në Honduras. Bisedimet e të dërguarve të të dy palëve njoftohet megjithatë se do të
vazhdojnë. Zelaja akuzohet nga kundërshtarët e tij se ka pasur qëllim ngritjen e një
diktature me ndryshimin e kushtetutës së Vendit.