Апублікаваны каментарый арцыбіскупа Тадэвуша Кандрусевіча да Энцыклікі Папы Бэнэдыкта
XVI «Caritas in veritate» ... («Любоў у праўдзе»).
Перадаем яго ў скароце '' Гэта першая сацыяльная энцыкліка сучаснага Пантыфіка...Ідэя
паходзіць з навучання святога Апостала Паўла, які ў Пасланні да Эфесцаў заклікае дзейнічаць
паводле праўды ў любові. Таму любоў у праўдзе, як кажа Папа, з’яўляецца галоўнай сілай
сапраўднага развіцця як кожнага чалавека, так і ўсяго чалавецтва. Энцыкліка «Любоў
у праўдзе» трансфармуе ...вучэнне Касцёла ні больш ні менш... як у адносіны паміж
Касцёлам і светам,.. кажа пра інтэгральнае развіццё чалавецтва ў любові і праўдзе,
пашыраючы навучанне Папы Паўла VI пра развіццё чалавецтва, прадстаўленае ў энцыкліцы
«Populorum progression» («Развіццё чалавецтва»). Папа Бэнэдыкт XVI навучае, што
ў наш час, калі ўсё больш і больш гаворыцца аб правах, трэба памятаць, што яны (правы)
нараджаюцца з абавязкаў. Таму неабходна навяртанне, каб бачыць эканоміку і працу,
сям’ю і супольнасць, натуральнае права ў нас і ў створаным свеце як заклік, бо, паводле
сацыяльнага вучэння Касцёла, развіццё чалавецтва — гэта пакліканне, якое ўключае ў
сабе салідарнае прыняццё адказнасці за агульнае дабро. Праўда і любоў маюць фундаментальную
сілу ў будаванні грамадства ... Святы Айцец у энцыкліцы «Любоў у праўдзе» падкрэслівае,
што развіццё грамадства патрабуе праўды і любові, а таксама хрысціянства, сэрцам якога
яны з’яўляюцца. Найбольшаю дапамогай, якую хрысціянства як рэлігія праўды і любові
можа аказаць развіццю чалавецтва, з’яўляецца абвяшчэнне Хрыста, а праз гэта — вырашэнне
праблемы прысутнасці Бога ў свеце і збаўленне свету праз любоў і праўду. Пантыфік
падтрымлівае ідэю папы Паўла VI пра дыялог са светам, праз які хрысціянства прысутнічае
ў ім. Касцёл не з гэтага свету, але з веры апосталаў, і таму ён прыносіць карысць
свету. Цэнтральная перспектыва ...энцыклікі ў тым, што сапраўднае развіццё чалавецтва
нельга аддзяліць ад сацыяльнай справядлівасці. Надзвычай важнае сцвярджэнне энцыклікі
ў сувязі з праблемамі,.. выкліканымі працэсамі глабалізацыі і сучаснага эканамічнага
крызісу, заключаецца ў тым, што любоў і праўда з’яўляюцца падмуркам грамадства і выконваюць
функцыю ачышчэння эканомікі і палітыкі. Права на жыццё і рэлігійную свабоду ў энцыкліцы
прадстаўлена ў адносінах да працэсу развіцця, а антрапалагічнае пытанне — як пытанне
сацыяльнае. Пракрэатыўнасць і сексуальнасць, аборт і эўтаназія, маніпуляцыя чалавечнай
ідэнтычнасцю і генетычная селекцыя ацэньваюцца як найбольшыя сацыяльныя праблемы.
Таму энцыкліка падкрэслівае, што нельга арганізоўваць праграмы развіцця чалавецтва,
калі яны не ўлічваюць годнасць жанчыны, пракрэатыўнасці, сям’і і правоў зачатага дзіцяці. Значная
ўвага надаецца пытанням экалогіі,..што павінна вызваліцца ад ідэалогіі, якая не звяртае
ўвагі на годнасць чалавечай асобы і разумее прыроду толькі як матэрыю. Клопат пра
асяроддзе не будзе плённым, калі не будзе паяднаны з правам чалавечай асобы на жыццё
— асноўным элементам чалавечай экалогіі... Новым у сацыяльным вучэнні Касцёла,
прадстаўленым у энцыкліцы «Любоў у праўдзе», з’яўляецца трактаванне праблемы тэхнікі
ў сучасным свеце і яе ўплыву на развіццё чалавецтва. А менавіта, выключна тэхнічны
менталітэт вядзе да таго, што ўсяго можна асягнуць у саюзе з нігілістычнай і рэлятывістычнай
культурай. Таму новая энцыкліка з’яўляецца вялікай культурнай і навуковай прапановай..,
бо рэсурсы сапраўднага развіцця не толькі эканамічныя, але таксама і нематэрыяльныя:
культурныя, разумовыя, ..што залежаць ад волі чалавека. У гэтым кантэксце чалавеку
патрэбна новая перспектыва, якую толькі Бог, як любоў і праўда, можа даць. Гаворка
ідзе менавіта пра тое, што прынцыпы любові ўваходзяць непасрэдна ў механізмы эканомікі
і з’яўляюцца матывам сацыяльнай справядлівасці. Такім чынам, любоў і справядлівасць
спрыяюць працэсам развіцця чалавецтва. Таму можна сказаць, што энцыкліка «Caritas
in veritate» упэўнена і з мужным рэалізмам хрысціянскай мудрасці глядзіць у будучыню."