(07.07.2009 RV)Disa qindra ujgurë u përpoqën sot të protestojnë gjatë vizitës
së shtypit të huaj në Urumki, vizitë kjo e organizuar nga autoritetet kineze në kryeqytetin
e Ksinjang ku dhuna shkaktoi ditët e fundit 156 të vdekur. Manifestuesit u detyruan
të ulen pas ndërhyrjes së policisë. Një funksionar i policisë refuzoi t’i përgjigjej
një pyetjes së gazetarëve në lidhje me dhunën e ditëve të kaluara, ndërkohë që sipas
agjencisë kineze Ksinhua policia deri tani kryer 1400 arrestime. Po ashtu Partia Komuniste
Kineze i bëri thirrje sot popullatës së Urumki që të pushojnë protestat. Siç dihet
të dielën e kaluar në këtë zonë shpërthyen përleshje ndërmjet myslimanëve të etnisë
ujgure dhe kinezëve të etnisë han. Po ashtu sekretari i parë i qytetit Van Lekuan
shpalli 24 orë shtetrrethim për të parandaluar trazirat.