Në Kinë, në përleshje në Xinjiang vriten mbi 156 vetë.
(06.7.2009 RV)Një qind e pesëdhjetë të vdekur e tetëqindtë të plagosur. Ky
është bilanci i ndeshjeve të djeshme që përgjaku provincën kineze të Xinjiangut. Dhuna
shpërtheu në qytetin e rajonit, Urumki, pas që me qindra “ujgurianë”, një etni myslimane
e pranishme në këtë zonë, kanë dal në shesh për të manifestuar kundër mënjanimit që
pësojnë. Më saktësisht protestat janë organizuar për vdekjen e dy “ujgurianëve” në
fund të qershorit në jug të Kinës. Ky rajon është i banuar me 8 milion banorë Ujgurë,
një pakicë myslimane me prejardhje turke, e cila lufton për shtet më vete nga Kina
që ka gati një miliardë e 400 milionë banor. Shkaku i përleshjeve ishte demonstrata
e fundit e ujgurëve. Pjesëmarrësit e protestave kanë sulmuar autobusë dhe kanë hequr
barrikadat e vendosura në rrugë.