Imzot Mauro Piaçenca shuguroi 38 diakonë të rinj të Kongregatës së Legjionarëve të
Krishtit.
(01.07.2009 RV)38 diakonë të rinj, përfaqësues të zonave të ndryshme të Planetit,
që nga kontinenti amerikan, deri në Vietnam. Kjo është gjeografia e prejardhjes së
diakonëve të Legjionarëve të Krishtit, shuguruar dje nga imzot Mauro Piaçenca, sekretar
i Kongregatës për Klerin. Ceremonia u mbajt në praninë e 900 pjesëmarrësve, pranë
kapelës romake të Qendrës së studimeve të larta, përbri Universitetit Papnor ‘Mbretëresha
e Apostujve”. I pranishëm edhe Atë Alvaro Korkuera, drejtor i përgjithshëm i Legjionarëve
të Krishtit si dhe mëkëmbësi i tij i përgjithshëm, atë Luis Garza. Diakoni është
profet i një bote të re, mbartës i mesazhit, që rrezaton dritë mbi të gjitha problemet
shqetësuese të njeriut e të shoqërisë - theksoi gjatë homelisë imzot Piaçenza. Më
pas uroi që diakonët e rinj ta përhapin këtë dritë në botë gjatë gjithë jetës e misionit
të tyre, i cili dallohet nga tre impenjime kryesore: diakonia e Fjalës së Zotit, e
Eukaristisë dhe e shërbimit ndaj të varfërve.