Багародзічная малітва "Анёл Гасподні" ў нядзелю 28-га чэрвеня
А паўдні гэтага дня Папа Бэнэдыкт 16-ы сустрэўся на Плошчы Сьвятога Пятра
з вернікамі, каб разам з імі адгаварыць гэтую марыйную малітву. У сваёй прамове
да іх Папа сказаў, між іншым, што прыклад Сьвятых можа ажыўляць веру і рабіць больш
дынамічнаю душпастырскую дзейнасьць. Заахвочваючы да гэтага Касьцёл прапануе нават
гадавыя фармацыйныя цыклы паказваючы людзей, якіх жыцьцё і вера могуць быць прыкладам
і для сучасных людзей. Чарговым этапам фармацыі ў Касьцёле становіць Год Сьвятартсва.
Постацю, якая ставіцца за прыклад, ёсьць Сьвяты Пробашч з Арс, Ян Марыя Вянэй. Бэнэдыкт
16 выказаў надзею, што гэты чарговы, духоўны і душпастырскі імпуль прынясе шматлікія
дабрадзействы для ўсіх верных, асабліва для сьвятароў. Гэты Год мае быць
укладам ва ўнутранае аднаўленьне ўсіх сьвятароў, каб давалі яны яшчэ больш выразнае
і рашучае эвангэльскае сьведчаньне адносна сучаснага сьвету- сказаў Сьвяцейшы Айцец. Апостал
Павал ёсьць тут дасканалым прыкладам да насьледаваньня не толькі ў канкрэтнасьці жыцьця,
але яшчэ больш у любові да Хрыста, ў руплівасьці абвяшчаньня Эвангэльля, ў адданасьці
супольнасьці. Сьвяты Павал ёсьць прыкладам сьвятара, які поўнасьцю атаясамліваецца
са сваёю паслугаю- як будзе ім таксама сьвяты пробашч з Арс сьвядомы, што нясе каштоўны
дар- гэта значыць: пасланьне збаўленьня, якое аднак нясе ў “гліняных посудах”. Дзеля
гэтага ёсьць ён сільны і пакорны, перакананы, што ўсё ёсьць творам Бога, ўсё Яго ласкай.
Кожны прэзбітар- сказаў на заканчэньне Папа- мусіць поўнасьцю належаць да Хрыста і
да Касьцёла, ў якім пакліканы, каб ахвяравацца з непадзельнаю любоў”ю як верны муж
сваёй жонцы.