Kosova bën tani pjesë në FMN dhe në Bankën Botërore
(29.06.2009 RV)Presidenti i Kosovës, Fatmir Sejdiu dhe kryeministri Hashim
Thaçi nënshkruan sot në Uashington dokumentet për anëtarësimin e vendit në Fondin
Monetar Ndërkombëtar dhe në Bankën Botërore. Deri tani, 60 vende kanë njohur pavarësinë
e Kosovës, ndërmjet tyre SHBA-të dhe 22 nga 27 anëtarët e Bashkimit Evropian. Serbia
ka kërkuar ndërhyrjen e Gjykatës ndërkombëtare të Drejtësisë për të deklaruar të pavlefshme
shpalljen e pavarësisë nga ana e Kosovës, por vendimi i organit të lartë të drejtësisë
pritet jo më parë se vitin që vjen dhe gjithsesi, nuk është i detyrueshëm.