(28.06.2009 RV)Sot, e diela XIII
e vitit kishtar, Kisha Katolike kremton festën e Shën Ireneut, Ipeshkëv e martir e
të Shën Palit I, papë. Jeta jonë o Zot është një kalim i përhershëm: bëj që të jemi
gjithnjë gati të të marrim me vete.
Nesër, 29 qershor, bie Solemniteti i Shën
Pjetrit e i Shën Palit, Apostuj. Me këtë festë, Kisha kremton prejardhjen e saj apostolike,
që ka si gur këndi vetë Krishtin.
Na e trego o Zot mëshirën tënde. Të dyja
leximet e ditës së martë, 30 qershor, paraqesin kalimin nga një gjendje qetësie, paqeje
në pështjellimin e natyrës; por gjithnjë Zoti na ofron mundësinë e shëlbimit. Në këtë
ditë kremtohen Shenjtorët protomartirë të Kishës së Romës.
Muaji i korrikut,
fillon me përkujtimin e Shën Xhulit e Aronit, martirë të Bretanjës dhe të Lumit Injac
Falcon. Nganjëherë nuk është e lehtë të kuptohet vullnesa e Zotit: Abrahamit, Zoti
i kërkon të pranojë kërkesën e Sarës e kështu do t’i japë bekime Ismaelit. Jezusi,
për të shpëtuar dy vetë të pushtuar nga Djalli, vë në vështirësi ekonominë e një bashkësie.
Më
2 korrik, ditën e enjte, Kisha Katolike feston shenjtorët Proçeso e Martiniani, martirë
romakë, shën Eutikion, martir dhe të Lumen Eugjeni Jubert. Në jetën e çdo njeriu vjen
gjithnjë momenti i sprovës, në të cilin del në pah çfarë vlen me të vërtetë: feja.
Shën
Toma Apostull është protagonisti i ditës së premte, 3 korrik. Me kërkesën e tij për
të prekur me dorë Krishtin e Ngjallur, përmbledh në vetevete sjelljen e të gjithë
atyre që ia nënshtrojnë fenë verifikimit me anë të eksperimentit. Por i lum është
ai që beson, pa prekur.
Faqja nga Libri i Zanafillës, që lexohet të shtunën,
4 korrik, mund të na lërë pa gojë fillimisht, por na tregon se Zoti përdor edhe llumin
njerëzor për të realizuar planet e veta. Në këtë ditë, kremtohet festa e Shën Izabelës
së Portugalisë dhe i të Lumit Pierxhorxho Frasati.
Më 5 korrik, e diela XIV
e vitit kishtar, Kisha përkujton Shën Antonin Maria Xakaria, meshtar.