2009-06-26 12:21:56

Պենետիկտոս ԺԶ Քահանայապետին գործունէութիւնը


Ուրբաթ 20 Յունիս 2009, Պենետիկտոս ԺԶ. Սրբազան Քահանայապետը ընդունեց Վիէթնամի եպիսկոպոսական համահաւաք դասէն խումբ մը եպիսկոպոսներ։

Ապա ընդունեց կարտինալ Ուլիամ Լեվատան` կառավարիչը հաւատոյ ժողովի։



Վատիկանեան տեղեկութիւններ

Վատիկանի մամլոյ գրասենեակին մէջ կարտինալ Մոնթէծեմոլօ` աւագերէցը Հռոմի Ս. Պօղոս պազիլիքային, Ուրբաթ օրը ՝ 26 Յունիսին, մամուլին ներկայացուց Պօղոսեան յոբելենական տարին` ՜՜նկատումներ Պօղոսեան տարւոյն փակման առթիւ՝՝։

Յայտնենք թէ երեկոյեան ժամը 7-ին համերգ մը կը տրուի նոյն պազիլիքայի մէջ ՜՜Պօղոս առաքեալի նոր կեանքը՝՝ նիւթին մասին։

Պենետիկտոս ԺԶ Քահանայապետը, Կիրակի 28 Յունիսին, Պօղոսեան տարւոյն փակման արարողութիւնը կը կատարէ Ս. Պօղոս պազիլիքայի մէջ, գլխաւորելով երեկոյեան ժամասացութիւնը։ Ծիսակատարութեան կը մասնակցի նաեւ Կ.Պոլսոյ եկեղեցւոյ պատուիրակութիւնը, որ Հռոմ կու գայ մասնակցելու Պետրոս եւ Պօղոս առաքելապետերու տօնախմբութեան։ Անցեալ տարի Պօղոսեան տարւոյն բացման առթիւ ներկայ էր նոյնինքն Կ.Պոլսոյ Տիեզերական պատրիարք՝ գերերջ. Բարդողոմիոս Ա ։

- Պենետիկտոս ԺԶ Քահանայապետը, 10 Յուլիսին՝ յետմիջօրէին, իր գրասնեակին մէջ կ'ընդունի ԱՄՆ.ի նախագահ Պարագ Օպաման, այսպէս հաղորդագրած է ԱՄՆի Սպիտակ Տան բանբերը։ Վատիկանի մամլոյ գրասենեակի տնօրէնը հաստատեց Սրբազան Քահանայապետին տրամդրութիւնը ընդունելու՝ ԱՄՆի նախագահը։











 








All the contents on this site are copyrighted ©.