(22.06.2009 RV)Kthehen problemet në kufirin me Çeçeninë. Kreu i rajonit autonom
rus të Ingushecies, Junus-Bek Jevkurov u plagos sot paradite në një atentat të kryer
nga një terrorist kamikaze. Shpërthimi i makinës së atentatorit shkaktoi edhe vdekjen
e shoferit të kortezhit presidencial dhe plagosjen e katër të tjerëve. Atentati në
republikën kufi me Çeçeninë nuk është rivendikuar, por dyshimet bien mbi separatistët
islamikë. Aktualisht, Jevkurov ndodhet në spital, jashtë rrezikut. “Vepër banditësh”
e përkufizoi aktin presidenti rus Medvedev, i cili ka urdhëruar hapjen e një procesi
hetimor.