(20.06.2009 RV)Nënshkrimi i dekreteve, që kanë të bëjnë me çështjen e lumnimit,
është në komptencë të plotë të Papës, i cili duhet lënë plotësisht i lirë në vlerësimet
e në vendimet e tij”. Këtë pohoi drejtori i Sallës vatikanse të Shtypit, Atë Federiko
Lombardi, pas shkrimeve, që u dukën në agjensitë e lajmeve e në gazeta, lidhur me
shkaqet e zgjatjes të çështjes së lumnimit të Piut XII, zgjatje që i atribuohet mjedisve
hebraike. Lajmet bënin fjalë për një takim, mbajtur mbrëmë në Romë, me pjesëmarrjen
e jezuitit Atë Peter Gumpel, relator i Çështjes së lumnimit të Papës Paçeli. Rregulltari
jezuit pohon se mendimet që i atribuohen nga gazetat, nuk kanë të bëjnë fare me të.
E atë Lombardi shton: “Në se Papa mendon që studimi dhe reflektimi mbi çështjen e
Piut XII duhen vijuar, ky qëndrim i tij duhet respektuar e nuk është e arsyeshme të
ndërhyhet në mënyrë të pajustifikuar e të panevojshme”.