Папа Бэнэдыкт 16 да Патрыярха Тваля: жаданьне пераадоленьня цяжкасьцяў
Сьвяцейшы Айцец запэўніў у лісьце аб сваёй малітве адносна пераадоленьня палітычных
напружаньняў у Сьвятой Зямлі ды абмежаваньняў у перамяшчаньні тамашняга насельніцтва.
Папа падзякаваў Лацінскаму Патрыярху за гасьціннасьць у часе свайго Апостальскага
Падарожжа ў Ярданію, Ізраіль і на тэрыторыі Палестынскае Аўтаноміі. “Я гавару
як паломнік ды ў імені нязлічаных пакаленьняў пілігрымаў з мінуўшчыны і сучаснасьці.
Дзякую за праяўленую мне гасьціннасьць і турботу, якою вы акружаеце сьвятыя месцы”-
напісаў Папа. Выказаў адначасна перакананьне, што натоўпы паломнікаў надалей будуць
туды прыбываць. “Малюся, каб палітычныя напружаньні і абмежаваньні ў перамяшчаньні
хрысьціянаў у Сьвятой Зямлі хутка сталіся ўспамінам мінуўшчыны, так, каб усе хрысьціяне
мелі свабодны доступ да Сьвятых Месцаў, без ніякіх абмежаваньняў”- чытаем у лісьце
Бэнэдыкта 16 да Патрыярха Тваля. На заканчэньне Папа запэўнівае тамашніх пасьлядоўнікаў
Хрыста аб духоўнай блізкасьці ў сітуацыі спробаў і неспакояў, якія турбуюць многія
месцы Сьвятой Зямлі.