Udhëheqësit peruvian Pixango i jepet strehim politik në Nikaragua.
(18.06.2009 RV)Alberto Pixango, udhëheqësi indigjen i Perusë, i cili prej ditësh
kishte kërkuar strehim politik në ambasadën nikaraguane në Peru, arriti në Managua
ku mori strehim politik. Menjëherë pas mbrritjes atje Pixango akuzoi presidentin peruvian
Alan Garsia se është përgjegjës për vdekjen e 34 personave gjatë dhunës së ditëve
të fundit dhe përsëriti kërkesave e indigjenëve për respektim të të drejtave veçanërisht
përsa i përket ujit dhe tokës. Pixango, 44-vjeçar, mësues me profesion, akuzohet nga
qeveria peruviane se është frymëzuesi dhe organizatori i protestave të indigjenëve
që kohët e fundit po ngrejnë zërin për më shumë të drejta.