Պենետիկտոս ԺԶ Քահանայապետին գործունէութիւնը եւ Վատիկանեան տեղեկութիւններ

Քահանայապետական անուանում։

Պենետիկտոս ԺԶ Քահանայապետը Լեհաստանի Սանտոմիերց թեմին առաջնորդ նշանակեց գերապայծառ Քրիստոֆ Նիդքեւիչը ։ 48 ամեայ նորանշանակ գերապայծառը՝ (Քրիստոֆ Նիդքեւիչ) փոխ քարտուղարի պաշտօնը կը վարէր Արեւելեան Եկեղեցիներու ժողովին։

Նոյնպէս Սրբազան Հայրը նշանակեց սպանացի հայր Գլավելը՝ Ս. Թովմաս Աքուինոսի քահանայապետական կաճառի նախագահ ։ Ս. Թովմաս Աքուինոսի քահանայապետական կաճառը հիմնուած է երջանկայիշատակ Լեւոն ԺԳ քահանայապետէն 1879ին եւ ունի որպէս պատասխանատուութիւն պաշտպանել ու տարածել Ս. Թովմաս Աքուինոսի վարդապետութիւնը։ Սուրբը ապրած էր 1225-1274 տարիներուն։



Վատիկանեան տեղեկութիւններ` աղօթքի հսկում Պենետիկտոս ԺԶ Քահանայապետին համար։



Ընտանեկան սիրոյ շարժումը 19 Յունիս 2009-ին Ս. Պետրոս հրապարակի վրայ, աղօթքի հսկում մը կը կազմակերպէ Պենետիկտոս ԺԶ Քահանայապետի դիտաւորութեան համար, ։ Աղօթքի հսկումը կը հանդիսապետէ կարտինալ Գոմասդրին Վատիկան քաղաքի ընդհանուր կառավարիչը։ Աղօթքի հսկումին յայտագիրն է ՜՜Ս. Վարդարանի Մարեմեան աղօթք եւ ջահերով Թափօր՝՝։ Նախապէս ժամը 18-ին Ս. Պետրոս տաճարին մէջ Սրբազան Քահանայապետը պիտի հանդիսապետէ երեկոյեան ժամասացութիւնը եւ որուն ընթացքին պիտի հռչակէ քահանայական տարին. որ պիտի ունենայ որպէս բնաբան ''Քրիստոսի հաւատարմութիւնը եւ քահանային հաւատարմութիւնը''։ Արսի՝ ֆրանսացի Ս. ժողովրդապետի (գիւրէ տ՝Արսի) մահուան 150րդ տարեդարձին առթիւ։



Աստղագիտութիւնը եւ մարդկութեան հարցեր։

Աստղագիտութեան միջազգային տարւոյն առթիւ, Հռոմի մէջ, տեղի կ'ունենայ միջազգային գիտաժողով մը, Յունիս 21-26, '' Աստղագիտութիւնը միատեղ դաշտ, բաժանելու մարդկութեան հարցերը'' նիւթին մասին։ Այդ շաբաթուան ընթացքին Վատիկանի աստղադիտարանը եւ մշակոյթի քահանայապետական խորհուրդը կը կազմակերպեն միօրեայ ուսումնաժողով մը ''Հաւատքը եւ Տիեզերքը'' նիւթին մասին։