Përfunduan punimet e Grupit të Shangait në Jekaterinburg
(16.06.2009 RV)Gjatë konferencës dyditore që u zhvillua në Jekaterinburg, vendet
anëtare të Grupit të Shangait, themeluar në 2001 në qytetin me të njëjtën emër - Rusia,
Kina, Kazakistani, Taxhikistani, Uzbekistani dhe Kirgizistani, përsëritën nevojën
për bashkërenditjen e përpjekjeve për të dalë nga kriza ekonomike globale. Pjesëmarrësit
nënshkruan një deklaratë të përbashkët për nevojën e kontrollimit të instituteve financiare
ndërkombëtare me synimin që të parandalohen kriza të tjera botërore. Në takim u propozua
gjithashtu që këto gjashtë shtete të kenë një valutë të tyre të përbashkët. Po
ashtu pjesëmarrësit i kushtuan vëmendje gjendjes në Afganistan si edhe çështjes bërthamore
koreanoveriore.