214 trajnues për anëtarët e komisioneve të qendrave të votimit të 28 qershorit
(16.6.2009 RV)Në Shqipëri Komisioni Qendror i Zgjedhjeve (KQZ) miratoi sot
listën me 214 trajnuesit për anëtarët e Komisioneve të Qendrave të Votimit (KQV),
në kuadër të zgjedhjeve të përgjithshme të 28 qershorit. Me afrimin e ditës
së votimeve KQZ zhvillon kurse trajnimi me anëtarët e KQV-ve lidhur me legjislacionin
zgjedhor. Sipas vendimit të miratuar nga lista me 214 trajnuesit e përzgjedhur,
50% e tyre kanë kontribuar në këtë detyrë në zgjedhjet lokale të vitit 2007 dhe në
zgjedhjet për Kuvendin të vitit 2005. Në përzgjedhjen e tyre KQZ ka marrë parasysh
përvojën e punës dhe eksperiencat e mëparshme si trajnues në fushën e zgjedhjeve.