Загабрыя: тут рыхтуюцца да Сустрэчы біскупаў Еўропы, адказных у нацыянальных канфярэнцыях
за сацыяльную працу, дзеля сумесных намаганняў на карысць свету.
У Харватыю прыбудуць прадстаўнікі 21 еўрапейскай краіны, каб абмеркаваць дзеянні Царквы
ў асаблівы гістарычны момант, які перажывае чалавецтва, а менавіта - сацыяльна-эканамічны
і духоўны крызіс. 34 біскупы з памочнікамі раскажуць калегам аб вопыце і праблемах,
разам параяцца. Арцыбіскуп Загабрыі кардынал Язэп Бозаніч, які з'яўляецца намеснікам
Прэзідэнта Савета біскупскіх Канфярэнцый Еўропы, з нагоды падзеі сказаў журналістам:"Царква
адчувае сябе поўняю заклапочанаю пытаннямі, калі справа тычыцца жыцця чалавека, годнасці
кожнае персоны, агульнага дабра, права на працу і вартае жыццё, - абароняе найбольш
слабых." На пытанні журналістаў арцыбіскуп далей адказаў, што Царква не стоміцца
ахоўваць публічны характар свайго паслугоўвання і асабліва вызначыў аспект важнасці
не забывацца аб галоўным сэнсе жыцця - ставіць чалавечую асобу ў цэнтр усіх сацыяльных
намаганняў. Бо кожны чалавек створаны на вобраз і падабенства Божыя.. Дык чалавек
як цэнтр усіх сацыяльных намаганняў - каштоўнасць, якая ня можа падзвяргацца сумніву,
бо яна паходзіць не ад чалавека. Сусветны Касцёл дае свой адказны ўклад у адказ
на сучасныя праблемы, базуючыся на ўласнай спадчыне веры і векавой сацыяльнай працы.