Strasburgu dënon Turqinë për mosrespektim të të drejtave njerëzore.
(09.06.2009 RV)Gjyqi Evropian i të drejtave njerëzore dënoi sot Turqinë për
t’i paguar dëmet një shtetaseje, nëna e së cilës u vra nga dhëndrri. Akuza ngritur
kundër Turqisë është se ky shtet nuk arriti t’i garantojë një qytetareje “të drejtën
për të jetuar” dhe të parandalonte vrasjen e saj. Lajmi u dha nga gazeta “Hyrrijet”.
Kjo është hera e parë që gjykata e Strasburgut dënon një shtet sepse nuk ka mbrojtur
një qytetar të vetin nga dhuna në familje. Po ashtu Turqia u gjet fajtore edhe për
shkelje të të Drejtave Njerëzore që e ndalojnë torturën, trajtimet çnjerëzore dhe
diskriminimin në gjirin e familjes. Tani shteti turk duhet t’i paguajë paditëses një
shumë prej E.36.500. Sipas Amnesti Internashionalit, gjysma e grave turke i nënshtrohet
dhunës dhe me dhjetra prej tyre vriten çdo vit për të ashtuquajturat “çështje nderi”.