(09.06.2009 RV)Xhorxh Mitçell, i dërguari i posaçëm i administratës Obama për
Lindjen e Mesme pritet të vizitojë Libanin të dielën e ardhshme. Kështu, një javë
pas përfundimit të zgjedhjeve parlamentare në vend, nga të cilat hezbollahët dolën
të humbur, parashikohet një takim ndërmjet të dërguarit Mitçell me presidentin Mishel
Sulejman. Mendohet se Mitçell do t’i kërkojë presidentit Sulejman gatishmërinë të
marrë pjesë në negociatat për paqën në rajon, përfshi edhe traktativat ndërmjet izraelitëve
dhe palestinezëve.