(09.06.2009 RV)Një plan për paqën i bazuar tek formula “Dy shtete për dy popuj”
për t’u zbatuar brenda dy vjetësh. Ky ka qenë propozimi që presidenti amerikan Barak
Obama i ka bërë kryeministrit izraelit Beniamin Netanijahu gjatë takimit të tyre muajin
e kaluar në Uashington. Sipas lajmit që u botua nga gazeta arabe në gjuhën angleze
“Al Shark Al Ausat”, e cila citon një burim egjiptian, projekti parashikon arritjen
e një marrëveshjeje për Lindjen e Mesme brenda vitit 2011. Kjo zgjidhje parashikon
edhe lindjen e një shteti palestinez. Presidenti amerikan Obama edhe në të kaluarën
ka shfaqur vullnetin e tij për zgjidhjen e konfliktit arabo-palestinez me anë të formulës
“Dy shtete - dy popuj”