Impenjimet e ardhshme të Papës: Mesha në festën e Korpit të Krishtit më 11 qershor,
hapja e Vitit Meshtarak më 19 qershor në Vatikan!
(09.06.2009 RV)Dy impenjime të rëndësishme në aktivitetin e ardhshëm të Papës
Benedikti XVI. Pasnesër, Papa do të kryesojë në tremen e Bazilikës së Shën Gjonit
në Lateran, në orën 19.00, Meshën në Solemnitetin e Korpit e të Gjakut të Krishtit.
Në përfundim të saj, Ati i Shenjtë do të udhëheqë Procesionin tradicional eukaristik
përgjatë rrugës Merulana në Romë deri në Bazilikën e Shën Marisë së Madhe. Të
premten, më 19 qershor, në solemnitetin e Zemrës së Shenjtë të Krishtit, vëmendja
do të përqëndrohet në fillimin e Vitit kushtuar meshtarëve. Benedikti XVI do ta hapë
duke kryesuar Lutjet Mbrëmësore në Bazilikën e Shën Pjetrit, në orën 18.00, në 150-vjetorin
e vdekjes së Famullitarit të Arsit, shën Gjon Maria Vianej.