Мадагаскар: бэатыфікацыя першага законніка, які нарадзіўся на гэтай зямлі
У сталіцы Мадагаскару да хвалы алтароў быў вынесены 7-га мая першы законнік, які нарадзіўся
на гэтым востраве: Raphael- Louis Rafiringa са Зграмаджаньня Школьных Братоў. Новы
Бласлаўлёны нарадзіўся ў 1856-м годзе. Калі першы раз сустрэўся з прыбылымі на Мадагаскар
Школьнымі Братамі, пачаў хадзіць ў школу, якою яны кіравалі. Там ў возрасьце 13-ці
гадоў ў 1869-м годзе прыняў хрост і імя Рафаэль. Маючы 22-а гады, ў 1878-м годзе
ўступіў да іхняе законнае супольнасьці як брат Рафаэль-Луіс. Пяць гадоў пазьней каралева
Мадагаскару, якая была пратэстанткай, выкінула з краіны ўсіх замежных місіянароў.
Астаўся толькі радавіты законнік, якім быў брат Рафаэль. Памёр ён у 1919-м годзе.
Калі пазьней, ў 1933-м годзе, перавожана ягонае цела да сталіцы востраву адзін з катэхістаў
дакрануўся да ягонае труны і быў аздароўлены. Гэты цуд прычыніўся да ягонае бэатыфікацыі.