Ati i Shenjtë të rinjve polakë, mbledhur në Lednica: jini dëshmitarë të dashurisë
së Krishtit në të gjitha fushat e jetës.
(08.06.2009 RV)“Zgjidhni Krishtin,
që kështu në çdo çast të jetës – në të mira e në të vështira – të jeni të sigurtë
se Ai ju ndihmon me hirin e fuqinë e Shpirtit Shenjt: kjo është porosia, që Benedikti
XVI u jep të rinjve polakë e të mbarë Evropës, mbledhur këto ditë në Lednica, në dioqezën
e Gnjeznos, për takimin e përvitshëm në gurrat e pagëzimit të Polonisë. Në një mesazh
drejtuar kryeipeshkvit të Gnjeznos, Henrik Myshinski, Papa ripohon se të rinjtë janë
të thirrur ta përsërisin premtimin për besnikëri ndaj Jezusit, si vlera më e lartë
e gjithë jetës e të bëhen dëshmitarë të dashurisë së Krishtit në shkolla, në universitete,
në çdo fushë të jetës. E, kujtojmë se në audiencën e përgjithshme të së mërkurës
së kaluar, Benedikti XVI i pati përshëndetur të rinjtë, në prag të mbledhjes në Lednica,
me këto fjalë: “Przez Chrzest jesteście włączeni
w Chrystusa…” “Përmes Pagëzimit, jeni bërë një me Krishtin. Zgjidheni
me vetëdije si rrugë e cak të shtegtimit tuaj në jetë”.