(05.06.2009 RV)Me votimet e djeshme në Hollandë e në Britaninë e Madhe filluan
zgjedhjet për përtëritjen e Parlamentit evropian, të cilat do të vazhdojnë deri të
dielën. Rezultate zyrtare akoma nuk ka, por Hollanda ka bërë të ditur sondazhet, të
cilat ua japin votën të djathtëve. Sot, tre milion irlandezë u janë ofruar ndërkaq
kutive të votimit. Në kundërshtim me vendet e tjera evropiane, ku frika kryesore është
mospjesëmarrja në zgjedhje, Irlanda duket se dëshiroi ta thotë fjalën e saj, sidomos
si reagim ndaj krizës ekonomike. Në vështirësi partia e qendrës, në pushtet që prej
shtatë legjislaturave, e cila rrezikon rezultatin më të keq të historisë së saj. Në
ishullin, që është shprehur me referendum kundër taktatit të Lisbonës, kriza ka hedhur
dyshime mbi euroskeptikët. Shumica e irlandezëve tani mendojnë se në kohë krize është
mirë të mbetesh i lidhur me Bashkimin Evropian.