Sot më 5 qershor, kalendarin kishtar përkujton edhe Shën Bonifacin, ipeshkëv e martir.

(05.6.2009 RV)Pa veprën misionare të Bonifacit, murg Benediktin e ipeshkëv, nuk do të kishte qenë i mundshëm organizimi politik e social evropianë i Karlit të Madh. Bonifaci apo Winfridi i përkiste një familjeje fisnike angleze të Devonshiret, ku lindi në vitin 680. Bëri kushtet e jetës murgare në abacinë e Exeterit e të Nursligut, para se të fillonte ungjillëzimin e popullsive gjermane përtej Renit.
Pas vështirësive të para, në tri vjet përshkoj pjesën më të madhe të territorit gjermanik. I thirrur në Romë, mori shugurimin ipeshkvnor nga Papa dhe emrin e ri Bonifaci. Para se të organizonte Kishën përgjatë bregut të djathët të lumit Ren, mendoj për themelimin e një abacie, në rajonin e Hesenit e të Turingjit, që të bëhej qendër shtytëse e spiritualitetit e të kulturës fetare në Gjermani. Kështu lindi abacia e njohur e Fuldës. Si seli kryeipeshkvnore, zgjodhi qytetin e Majncit (Meinz). Shën Bonifaci e përhapi Fjalën e Zotit në Gjermani për 40 vjet.Vdiq më 5 qershor të vitit 754. Shën Bonifaci është pajtor i Gjermanisë.