Յունիս ամիսը Յիսուսի սուրբ սրտի ամիս է։ 4

Փրկիչ բոլորից

Փութա զիս փրկել

Փորձութեանց մեղաց։

Քաւիչ յանձանաց,

Քաւեա զօրհնաբանս

Քեզ երգել ըզփառս։



Նուիրում առ Փրկիչն Յիսուս



Երկիրպագելի փրկիչ Յիսուս, սէրդ մեզի հանդէպ`

կը գերազանցէ ամէն մտածում ու խօսք։

Մեզ քեզի նման դարձնելու համար,

Դուն մարդ եղար մեզի նման։

Յաւիտենական մահէն ու դժոխքէն մեզ փրկելու համար

ինքզինքդ մահուան յանձնեցիր, եւ այդ`

ամենէն նախատալիցը, խաչի մահը։

Երկնաւոր Հօրդ բարկութենէն մեզ զերծ պահելու համար`

յանձն առիր տիգախոց ըլլալ սուրբ սրտէդ։

Եւ իբրեւ լրում անպատմելի սիրոյդ ու հրաշքներուդ`

ամէն օր կը զոհուիս մեր խորաններուն վրայ

եւ ինքզինքդ կու տաս մեզի իբր կերակուր`

սուրբ Հաղորդութեան մէջ։

Իսկ ի՞նչ կը խնդրես մեզմէ, սէր գերահրաշ,

քու սիրոյդ եւ բարիքներուդ փոխարէն, բացի մեր սրտէն,

բայց չէ՞որ արդէն պարտական ենք մենք նուիրելու զայն քեզի։