У Віцебску прайшла міжнародная канфэрэнцыя адносна ВІЧ/СНІД-у
30 мая 2009г. у пяты раз у Віцебскім дзяржаўным універсітэце прайшла чарговая міжнародная
канферэнцыя “Праблемы ўрачэбнай этыкі ў сучасным свеце”. Да ранейшых тэм, якія абмяркоўвалі
навукоўцы і святары на працягу чатырох год ( біаэтыка, прафілактыка алкагалізму і
наркаманіі, барацьба з абортамі і эўтаназіяй, сучасная фармакатэрапія), далучана яшчэ
адна вельмі актуальная – “навука і духоўнасць супраць ВІЧ/СНІД”. Гэта вынік больш
чым палутарагадовага супрацоўніцтва Віцебскай дыяцэзіі Рымска-каталіцкага касцёла
на чале з ардынарыем біскупам Уладзіславам Блінам і навукоўцаў трох віцебскіх ВНУ:
Віцебскага дзяржаўнага медыцынскага універсітэта, Віцебскага дзяржаўнага універсітэта
імя П.М. Машэрава і Віцебскай дзяржаўнай акадэміі ветэрынарнай медыцыны. Удзел
ў форуме ўзялі біскуп віцебскі Уладзіслаў Блін, Папскі Нунцый арцыбіскуп Мврцін Відавіч,
святары дыяцэзіі і замежжа, міністр Томаш Кліманскі (Польшча), дзеячы навукі Беларусі:
прафесар Мікалай Сарока, рэктар ВДМУ прафесар Валеры Дэйкала, рэктар ВДУ ім. П.М.
Машэрава прафесар Аляксандар Саладкоў, прафесар Таццяна Дмітрачэнка, прафесар Васіль
Глушанка і мншыя навукоўцы з усіх медыцыескіх ВНУ рэспублікі, госці з Расіі, Індыі,
Шры-Ланкі, Ганы, медыкі-практыкі, атаксама прадстаўнікі “Caritas” Віцебскай дыяцэзііна
чале з дырэктарам Віталем Кульпекшай, прадстаўнікі ўлады. Медыя-прэзентацыя “The
Mission of the Catholic Church challenged by HIV/AIDS ” падрыхтаваная кардыналам Хав’ерам
Лазана Барраганам выклікала вялікую цікавасць удзельнікаў канферэнцыі. Па заканчэнні
абмеркавання дакладаў удзельнікі форума пазнаёміліся з ВДМУ, пасля накіраваліся ў
ВДУ ім. П.М. Машэрава, дзе азнаёміліся з працай вялікай універсітэцкай бібліятэкі
і магчымасцях супрацоўніцтпа ў бібліятэчнай справе (варта дадаць, што намаганнямі
рэктара ВДУ А. Саладкова і навукоўцаў-філолагаў ва ўніверсітэце ажыццяўляецца пераклад
кнігі кардынала Баррагана па біяэтыцы на рускую мову), далей удзельнікі канферэнцыі
мелі магчымасць азнаёміцца з калекцыяй жывапісу ў абласным мастацкім музеі, сустрэцца
з урачамі і супрацоўнікамі УАЗ “Віцебская абласеая клінічная бальніца”, пазнаёміцца
з тым, як арганізавана душпастырская апека ў гэтай медыцынскай установе.