Përurohet tuneli Rrëshen-Kalimash. Ceremonia u zhvillua me pjesëmarrje të kryeministrave
të Shqipërisë e Kosovës.
(01.6.2009 RV)Është përuruar dje Tuneli i Kalimashit, që lidh Shqipërinë me
Kosovën. Kryeministri i Shqipërisë Sali Berisha dhe ai i Kosovës Hashim Thaçi u takuan
në mes të tunelit për të bërë përurimin e autostradës Durrës-Kukës-Prishtinë. Kryeministri
Berisha, është nisur në këmbë nga njëri krah i tunelit, ndërsa Thaçi u nis nga ana
tjetër. Ata u takuan në mes të tunelit dhe përshkuan në këmbë 100 metërshin e fundit.
Rruga do të kalojë në akset Durrës-Vorë-Fushë Krujë-Milot-Rrëshen-Reps-Thirrë-Kalimash-Kukës-Morinë
dhe ka një gjatësi 170 km. Autostrada e re do të jetë gati 45 km më e shkurtër se
rruga ekzistuese drejt Kosovës dhe qytetarët e Prishtinës do të jenë vetëm 4 orë larg
Tiranës.