Të drejtat njerëzore: Amnesty, 2008 një vit me shkelje të rënda

(28.5.2009 RV)Në Londër, në Romë e në të gjitha kryeqytet e botës dje është paraqitur Raporti i Amnesty International 2009 mbi shkeljen e të drejtave themelore të njeriut. Raporti 2009 mbi situatën e respektimit të të drejtave njerëzore në 157 Vende të botës, Amnesty International dokumenton shkelje të rënda e paraqet një fotografi shqetësuese të realitetit. Pas 11 shtatorit 2001, të drejtat njerëzore janë vënë në plan të dytë nga Lufta kundër terrorit; ndërsa sot ndodhë sërish e njëjta gjë nga kriza ekonomike globale që fsheh “një krizë eksploduese sociale, politike dhe ekonomike” mund të shpërthejë në çdo moment.
Në raportin e Amnesty International pohohet se kriza globale ekonomike ka ndikuar negativisht në ruajtjen e mbrojtjen e të drejtave e njeriut. Si pasojë e rritjes së varfërisë dhe konflikteve të tjera sociale në shumë vende të botës mund të rritet edhe matej presioni shtetëror, tërheq vëmendjen Organizata e të Drejtave të Njeriut në raportin e fundit vjetor.
Amnesty International analizon gjendjen e të drejtave njerëzore në 157 Vende e territore në vitin 2008. Liria e shprehjes: përkufizimi i lirisë së fjalës imponohet më së paku në 81 Vende të botës. Dënimi me vdekje: së paku 2.390 të burgosur kanë vdekur nga ky dënim në 25 Vende. Tortura e keqtrajtime: janë kryer nga marrje në pyetje, në afër 80 vende. Në Tunizi, për shembull, autoritetet kanë reaguar me një 'ashpërsi ekstreme' ndaj protestave paqësore.