Ipeshkvijtë amerikanë i kërkojnë presidentit të mbajë fjalën për temat etike
(25.05.2009 RV)Presidenti amerikan Barak Obama të mbajë premtimin e bërë mbi
mbrojtjen e së drejtës të kundërshtimit për arsye të ndërgjegjes, në fushën e shëndetësisë.
Kështu nënvizon kreu i ipeshkvijve të SHBA-së, kardinali Frensis Juxhin Xhorxh, duke
iu referuar fjalimit të mbajtur nga Obama në Universitetin e Zojës së Bekuar në Indiana.
Kreu i Shtëpisë së Bardhë pati siguruar se ajo e drejtë do të mbetej. Çështja, nënvizon
kardinali Xhorxh, është e rëndësishme, pasi në dritën e ligjeve të fundit të administratës,
mjekët e infermierët mund të gjenden para detyrave, moralisht të papranueshme, si
aborti.